U bllokuan nga përmbytjet/ Me litar dhe të kapur dorë për dore, ja momenti prekës kur një familje shpëtohet në Greqi

Prej disa ditësh Greqia po vuan pasojat e motit të keq që ka përfshirë zonën e Attikës, por edhe të tjera si Evia apo Selaniku.

Por një video prekëse vjen së fundmi, ku shihet momenti i shpëtimit të një familje turistësh gjermanë nga ujërat e vrrullshëm që hynë në shtëpinë e tyrë në Styra, Evia.

Në këtë zonë është raportuar edhe për një viktimë si pasojë e ujërave që përmbytën vendin.

Në video tregohen përpjekjet e zjarrfikësve për të shpëtuar, familjen me 5 anëtarë që ishte brenda shtëpisë.  Një zjarrfikës është lidhur me një litar në mënyrë që të mbrohet kur përpiqet të kalojë në anën tjetër, ndërsa uji i vrullshëm rrjedh në formën e një përroi.

Kolegët e tij janë në skajin tjetër të litarit. Pasi lidhet me litarin, zjarrfikësit, arrijnë në skajin tjetër dhe më në fund familja transportohet me sukses në një vend të sigurt.