Tragjike/ Virusi i merr jetën vogëlushit nga Saranda, u dërgua me helikopter në Tiranë dhe Turqi

Një fëmijë vetëm 5 vjeç ka ndërruar jetë sot në Turqi, pasi ishte infektuar nga virusi. Bëhet me dije se i mituri nga Saranda prej ditësh ishte infektuar nga koronavirusi dhe orët e fundit është sjellë në Tiranë me helikopter.

Pavarësisht përpjekjeve të mjekëve, bëhet me dije se i mituri nuk ka mundur të jetojë dhe sot ka ndërruar jetë. Pritet që në vijim Ministria e Shëndetësisë të japë një njoftim zyrtar për rastin tragjik të të miturit që ka ndërruar jetë nga virusi.

Mësohet se i mituri ishte infektuar prej tetë ditësh dhe qëndronte i shtruar në spitalin e Sarandës, mirëpo kur gjendja e tij është përkeqësuar ai është nisur me helikopter drejt Tiranës. Më pas, është vendosur që ai të dërgohej për kurim më të specializuar në Turqi, nga ku mëngjesin e sotëm ka ardhur lajmi i trishtë se ai ka ndërruar jetë.