Tiranë, më shumë se një orë në trafik për të bërë disa kilometra

Të qarkullosh me makinë ditën e sotme nëpër Tiranë duket një mision sa stresues aq edhe i pamundur.

Në shumë rrugë, radhët e makinave janë bërë kilometrike, ndërkohë që qytetarët ankohen herë pas here dhe në disa raste iu bien dhe borive të tyre, por më kot.

Reshjet e dendura të shiut të mbrëmjes së kaluar dhe mëngjesin e sotëm, kanë bërë që shumë prej tyre të jenë të detyruar që të marrin makinat, për të çuar fëmijët në çerdhe apo në kopshte, por me siguri një pjesë e madhe nuk kanë mundur që të mbërrijnë dot në orarin e caktuar.

Ndonëse në disa kryqëzime janë vendosur punonjës të policisë rrugore, bilbili dhe tabela e tyre duket se nuk kanë ndikuar aspak në zgjidhjen e situatës.

Prej shumë kohësh, situata me trafikun është shqetësuese në Tiranë, por asnjëherë nuk është gjetur një zgjidhje afatgjate.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern