“Ti e përballon ore zotëri” Kriza e madhe energjitike, deputeti i Lushnjes i drejtohet Ramës

Kryeministri Edi Rama në një konferencë të jashtëzakonshme, paralajmëroi sot se Shqipëria do të përballet me një krizë të madhe energjitike.

Kjo sipas tij do të sjellë një rritje të konsiderueshme të çmimit të naftës, gazit dhe karbonit në vend.

Ndërkohë menjëherë pas kësaj, i menjëhershëm ka qenë reagimi i deputetit demokrat Saimir Korreshi.

Ky i fundit i drejtohet Ramës duke i thënë se ai mund ta përballojë krizën sepse nuk ka paguar ndonjëherë gaz apo naftë.

Por, problemi sipas tij, është sesi do ta përballojnë qytetarët këtë krizë të radhës.

“Ti e perballon o zoteri se nuk ke paguar ndonjehere as nafte e as gas, po hajde e pyet njehere ketej se me sa sukses do ta perballojne??

Zot na ruaj!

Qe ta merrni vesh ju qe e votuat. Me durim e me terezi nga gjeli i detit do ngeli vetem kofsha per vit te ri”, shprehet Korreshi.