LIGJET E BIZNESIT
Nuk e durojnë dot më të jetuarit në hotele, e për këtë arsye një pjese e afganëve te larguar mes shumë vështirësish nga regjimi taleban e të dërguar në Britaninë e Madhe, tanimë duan të shkojnë në shtëpi.
Sipas të përditshmes angleze “Daily Mirror”, refugjatët afganë janë lodhur me kushtet e vështira të jetesës me të cilat përballen në këtë vend. Mungesa e banesave të mirëfillta ka bërë që shumë familje afgane të mbeten të bllokuara përgjatë gjithë kësaj kohe nëpër hotele, dhe sipas zyrtarëve britanikë, mund të duhen shumë muaj përpara se të gjenden shtëpi të përshtatshme për ta.
Kryeministri britanik Boris Johnson nisi në fundin e muajit gusht operacionin e mbiquajtur “Mikpritje e ngrohtë”, mirëpoprogrami për sistemimin e refugjatëve nuk ka dhënë rezultatet e shpresuara prej tyre, ndaj një pjesë e afganëve duket se tani preferojnë të kthehen nëpër shtëpi.
Programi parashikonte që afërsisht 7.000 afganë të mbërritur në Angli të kenë mundësinë e rindërtimit të jetës pikërisht në këtë vend, të sistemohen me punë, si dhe të shkollojnë fëmijët e të integrohen me komunitetet e tyre lokale.
Megjithatë disa prej tyre tashmë thonë se u ka “ardhur në majë të hundës”. Një frazë e tillë është pohuar edhe nga prestigjiozja The Guardian.
