LIGJET E BIZNESIT
Disa udhëheqës botërorë dhe miliarderë janë zbuluar të kenë lidhje me kompani offshore, pas bërjes publike të skandalit “Pandora Papers”.
Nga kërkimi në sajtin që ka publikuar të dhënat rezulton një politikan shqiptar. Duke folur në emisionin “Real Story” gazetarja Klodiana Lala e cila foli për këtë skandal u shpreh se pastrimi i parave mbetet një nga çështjet më problematike në vendin tonë.
Ajo bëri me dije se aktualisht është i përfshirë një person i afërt me një politikan shqiptar, emri i të cilit është Vasil Kallupi.
“Pastrimi i parave është një nga shqetësimet kryesore. Për ‘Papers Pandora’ ka informacione shumë të pakta. Bëhet fjalë për person të afërt me një politikan shqiptar. I kam siguruar me burime shumë të ngushta. Di të them se personazhi Vasil Kallupi, ose Vasili i Vjenës është i njohur si një nga njerëzit shumë pranë të ish-kryeministrit Fatos Nano, por unë nuk e lidh personalisht me zotin Nano. SPAK ka deklaruar që do ta ketë në konsideratë këtë çështje”, tha më tej gazetarja.
Më tej ajo sqaroi se përpara botimit të lajmit nga SPAK është deklaruar se janë duke e vlerësuar situatën, por në kushtet aktuale, sipas gazetares SPAK e ka më të lehtë situatën.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Mendoj që kjo çështje ka të bëjë më shumë me të pasurit vullnet. Sepse në rastin konkret kemi të bëjmë me një biznesmen dhe mjafton të gjitha lëvizjet e tij, tenderat që ka fituar, dhe besoj se SPAK e ka shumë të lehtë të hetojë. Mjafton SPAK të marrë shkrimin e ‘Reporter.al’, apo edhe faktet e dala publikisht. Pra mjafton të marrë dhe të kryqëzojë të dhënat”, tha më tej Lala./panorama
