LIGJET E BIZNESIT
Raportet e shpenzimeve të fushatës elektorale për zgjedhjet e 25 prillit janë dorëzuar pranë KQZ nga vetëm 11 kandidatë nga 1871 të regjistruar gjithsej.
Kjo situatë cilësohet nga gazetari Arian Çani si anomali të përgjithshme dhe skandaloze.
Ai gjithashtu shton se në të tilla raste SPAK duhet të ndërhyjë, pasi ky është momenti.
“Të them të drejtën e kam të vështirë ti futem një llogarie të tillë. Them se ka një anomali të përgjithshme se do më dukej e çuditshme që situata të vazhdoj kështu sepse do duhej të ndërhynte SPAK këtu.
Fakti që s’kanë deklaruar akoma ka dy opsione, ose janë të papërgjegjshëm, ose pastaj nuk e di duhen parë afatet ligjore. Dihet që ne jetojmë në një vend ku trafiqet janë këtu ka shumë para të padeklaruar. Duke qenë se vendi është jashtë çdolloj norme nuk të bën ndonjë përshtypje të madhe.
Është koherente për gjithë këto para të hedhura aq më tepër në kohë pandemia të shohim nëse do reagoj SPAK tani. Kujtojmë se pak ditë më parë u arrestuar Gëllçi për një tender dhe këtu SPAK veproi menjëherë. Tani këtu kjo i kalon me shumëfish paratë e Gëllçit prandaj mendoj që SPAK këtu ka mundësi për të prerë koka pa fund.
Këto janë para sa herë ka fushata para që qarkullojnë bandat që punojnë për partitë politike, paratë e të fortëve. Pa këto para do ishte e vështirë të bëhej ajo masakër elektorale. Mosdeklarimi i parave sipas ligjit është skandaloze dhe mendoj se SPAK mirë apo keq duhet të ndërhyjë. Sepse përveç trafiqeve janë dhe paratë e taksapaguesve dhe kjo duhet të shqetësojë çdo qytetar”, tha Çani nga studio e lajmeve në MCN TV.
