Policia italiane ka goditur një bandë të trafikut të kokainës, ku të arrestuar janë katër shqiptarë dhe një italian, ndërsa një anëtar tjetër është shpallur në kërkim.
Sipas mediave italiane mësohet se të arrestuarit janë Angjelin Lleshi, 30 vjeç, Amarildo Perloshi, 33 vjeç, Leonard Vishaj, 33 vjeç, dhe Elton Beleshi, 39 vjeç, të gjithë të lindur në Shqipëri dhe banues në Aosta, si dhe Diego Gustavo Corchia, 41 vjeç, lindur dhe jeton në Aosta.
Grupi u identifikua në bazë të emrit që përdornin për tu identifikuar.
Nga hetimet e policisë italiane, rezulton se Vishaj kishte rolin e korrierit në grup, ndërsa Beleshi shitësi me shumicë. Lleshi, Corchia dhe Perloshi merreshin me përpunimin e drogës dhe nga shitjet përfitonin rreth 15 mijë Euro në muaj.
Shqiptarët prej kohësh ndodheshin nën hetim për trafikim të lëndëve narkotike. Gjykata italiane i ka lënë të 4 shqiptarët në burg, ndërsa Diego Gustavo Corchia, 41 vjeç, përfundoi në arrest shtëpie.
Hetimi nisi në nëntor 2020 pas kontrolleve në një garazh në qendër të Aosta-s, pas denoncimeve që ishin bërë nga banorët e zonës.
