Nuk janë të pakta debatet mes banorëve të shtëpisë më të famshme në Shqipëri, atë të “Big Brother Vip”.
E njëjta gjë ka ndodhur dhe së fundmi mes këngëtares Semi Jaupaj dhe balerinit Ilir Shaqiri.
Të dy kanë patur një debat shumë të fortë që madje është shoqëruar me ofendime.
E gjitha nisi gjatë një diskutimi ku Semi i drejtoi gishtin e mesit Ilirit, i cili nuk e ka pritur aspak mirë. Pas këtij gjesti, ai i është kthyer konkurrentes duke e quajtur “e paedukatë”.
Semi e ka sqaruar këtë ngjarje në dhomën e rrëfimit duke thënë se nuk ka pasur asnjë qëllim të keq dhe se ishte tallur.
“Për shaka ia bëra me gishtin e mesit. E mori shumë seriozisht e mori shumë afër zemrës si gjë.”-tha ajo.
Ndërkohë, Iliri është ndjerë i ofenduar, gjë për të cilën diskutoi dhe me Arjolën.
“Ato mbaji për vete i thashë, “S’ta lejoj, je e paedukatë”!- i thashë. Troç, jo kshu jo ashu!”, u shpreh Iliri.
Ky i fundit i ka rrëfyer së fundmi Sabianit se ndihej në faj përballë bashkëshortes së tij pasi i duhet që të përballojë të gjithë përgjegjësinë familjare.
“Ndihem në faj! Ajo po punon, po kujdeset për vajzën ndërkohë unë rri gjithë ditën”,– tha ai.
Nga ana tjetër Sabiani i qëndroi afër duke i thënë se ata do të ndihen shumë krenarë për eksperiencën e tij brenda shtëpisë së “BBV”.
