“Rritje pagash deri në 150 përqind” Ministri Bledi Çuçi jep lajmin e mirë për këtë kategori

Projektbuxheti që u miratua sot nga qeveria përcakton rritje page deri në 150 përqind për një kategori që bën pjesë në Policinë e Shtetit.

Lajmin e dha ministri i Brendshëm, Bledi Çuçi i cili shpjegoi se projektbuxheti rriti pagat për efektivët që punojnë larg vendbanimeve të tyre.

“Rritjen e pagave të policisë së shtetit, të atyre punonjësve që ushtrojnë detyrën jashtë vendbanimit, në formën e dietave dhe bonus që çon deri në 150 për qind pagat e tyre që ushtrojnë detyrën jashtë vendbanimit”, tha ministri Çuçi.

Sipas Çuçit, projektbuxheti “rrit investimet në policinë e shtetit sidomos në infrastrukturën digjitale dhe teknologji për të rritur efikasitetin e luftës kundër krimit dhe korrupsionit”, deklaroi Çuçi.