Reshje shiu apo përmirësim i temperaturave? Meteorologia zbulon si do të jetë moti gjatë fundjavës

Ka nisur me vranësira dhe reshje të pakta pjesa më e madhe e territorit duke bërë që kryesisht zonat qëndrore dhe zonat jugore të kenë reshje shiu, në zonat juglindore reshje të pakta dëbore. Pritet përmirësim i kushteve të motit duke filluar që sot pasdite.

Kemi zhvendosje të sistemit të vranësirave duke na rikthyer intervale me kthjellime. Parashikohet që fundjava të jetë me kushte të qëndrueshme atmosferike, moti i kthjellët do jetë prezent sidomos në ultësirën perëndimore duke lënë me kthjellime dhe vranësira të shpeshta zonat malore.

Nuk parashikohet që të ketë reshje. Përsa u përket vlerave termike, sot ka patur një tjetër rënie në orët e para të mëngjesit duke bërë që minimalet të jenë 0 apo -1 gradë në zonat e thella malore ndërkohë maksimalet do të kenë një rritje 1 me 2 gradë, ku priten vlera 18 apo 19 gradë.

Fundjava do të sjellë rritje edhe të shtunën edhe të dielën duke kulmuar ditën e diel ku termometri do të ngjitet deri në 22 apo 23 gradë celcius.

Era do të jetë problematike duke qenë se do të jetë kryesisht drejtim verilindor dhe era e ftohtë do të bëjë që i ftohti të ndihet disi, të paktën në orët e para të mëngjesit