Rëndohet bilanci, humb jetën dhe i plagosuri në Elbasan (Emrat)

Ka shkuar në dy numri i viktimave pas atentatit në Elbasan. Burime për “BalkanWeb” bëjnë me dije se viktimë kanë mbetur Lulzim Bitri dhe Adrian Çollaku.

Më tej, theksohet se bëhet fjalë për një atentat të mirëorganizuar, pasi viktimat janë qëlluar nga një distancë e afërt, pranë një karburanti në hyrje të qytetit, në vendin e quajtur “Rrethrrotullimi i Luleve”.

Raportohet se dy viktimat janë me precedentë të mëparshëm penal.

Policia ndërkohë ka sekuestruar kamerat e sigurisë dhe po merr në pyetje dëshmitarët okularë për të mësuar rrugën që kanë ndjekur autorët pas krimit.

Gjithashtu janë ngritur pika kontrolli në hyrjet dhe daljet e qytetit, me qëllim kapjen dhe arrestimin e autorëve të kësaj ngjarje të rëndë.