Priten ulje temperaturash, meteorologia zbulon si do të jetë moti në fundjavë

Jeni ndër ato persona që keni bërë plane për fundjavën dhe doni të dini se si do të jetë moti?! Sinoptikania e Metoealb, Lajda Porja shprehet se pasditja e sotme dhe dita e nesërme do të regjistrojë reshje shiu me ndërprerje, ndërkohë që duke nisur nga dita e dielë do të kemi ulje të ndjeshme të temperaturave, deri në 19 gradë C.

Ajo njofton se fundjava do i ngjajë një “dimri të shkurtër”.

Gjatë ditës së shtunë do të mbizotërojnë vranësirat, ndërkohë që reshjet e shiut do të nisin gjatë natës, duke u gdhirë dita e dielë.