“Prindi 1” dhe “Prindi 2”/ Formulari që shkaktoi debate, reagon Bashkia e Tiranës: Ja si qendron e vërteta

Formulari që qarkulloi dje në mediat sociale, ku fjalët “Nënë” dhe “Baba” ishin zëvendësuar me termat “Prindi 1” dhe “Prindi 2” për regjistrimet në kopshtet dhe çerdhet e Tiranës, nuk është i vërtetë.

Bashkia e Tiranës bën me dije se në formularët zyrtarë që përdoren për të regjistruar fëmijët në ato institucione, nuk përdoren terma të tillë dhe lajmi është “fake news”.

Gjatë njoftimit thuhet se formularët që përdoren nga ky institucion shoqërohen me logon zyrtare të bashkisë së Tiranës.