Dy kunetër janë konfliktuar me njëri-tjetrin. Ngjarja ndodhi në Hamallaj të Durrësit.
Sipas informacioneve, pas një sherri, shtetasi me iniciale M.A., 42 vjeç, ka goditur me sende të forta kunatin e tij B.M., 52 vjeç, duke i shkaktuar lëndime të fortë.
“Specialistët për Hetimin e Krimeve në Stacionin e Policisë Manëz arrestuan për veprën penale “Dhuna në familje”, shtetasin M.A., 42 vjeç, banues në Hamallaj, Durrës. Ky shtetas më datë 07.10.2021 rreth orës 16:00 në Hamallaj, ka goditur me sende të forta në kokë, kunatin e tij, shtetasin B.M., 52 vjeç, banues në Hamallaj“, njofton policia.
