Përplasjet për vaksinën kundra virusit, studentët zhvendosen për protestë te kryeministria

Ashtu sikurse edhe ishte paralajmëruar, mëngjesi i sotëm është shoqëruar me përplasje në dyert e Universiteteve, ku në Tiranë, në shumicën e fakulteteve studentët e pavaksinuar .nuk janë lejuar që të hyjnë.

Rreth orës 10.00, ata nisën grumbullimin përpara kryeministrisë ku do të kundërshtojnë vendimin për tu lënë jashtë auditoreve. Ata thonë se e drejta e arsimit është një e drejtë kushtetuese, dhe nuk mund të tjetërsohet nga asnjë vendim qeverie.

Prej ditës së sotme, në të gjithë vendin, Universitetet janë duke mbajtur qëndrime të ndryshme sa i takon futjes së studentëve të pavaksinuar në auditore.

Në Elbasan, Gjirokastër, Korçë, Durrës lejohen që të hyjnë në auditore dhe studentët e pavaksinuar.

Ndërkohë që në Vlorë, Shkodër si dhe në Tiranë, studentët e pavaksinuar nuk do të lejohen që të hyjnë në auditore.