“Për partinë ne të therim” Gentian Zenelaj ‘shpërthen’ dhe nuk lë gjë pa thënë: Mos o Zot me zgjidh hallet tona

Aktori i njohur Gentian Zenelaj ka folur për situatën politike në Shqipëri.

Ai deklaroi se mandati i tretë i qeverisë vijon të jetë për meme dhe batuta, dhe jo për atë rol që vërtetë duhet të kenë në krye të vendit.

Zenelaj tha se është e kotë që të shpresojmë që një opozitë që ka 20 vrima brenda vetes të zgjidhë dhe hallet tona.

“Se kuptoj që ky mandat të vijojë të jetë meme dhe batuta, batutat i bëjmë ne në skenë jo ato aty. Unë si qytetar dhe mamaja ime si pensioniste çfarë ju duhet akuzat që ato hedhin me njëri-tjetrin. Ne e nisim historinë nga Skëndërbeu, memoria jonë është afatshkurtër dhe harrojmë se kjo “mitër”, politike ka prodhuar këto politika që në ’91.

Ne kemi ato që kemi zgjedhur dhe lartësuar e bërë lider dhe ja kemi varë opozitës mëlçitë në qafë. Ne mendojmë se ato do zgjidhin halle tona, por ajo ka nja 20 vrima e s’po i zgjidh dot, mos o zot me zgjidh tonat.

Shqipëria ka pas një protestë të suksesshme atë të armëve kimike, pasi ato i thanë ik çdo politikani që ishte aty dhe e vetmja lëvizje qytetare që fitoji. Ndërsa të tjerat që u përfshi politika kanë dështuar. Ne të therim për parti, shtrohet syfyri në oborrin e kishës dhe s’ka asnjë problem dhe për partinë ne të therim. Ndasia që na bëhet është nga politika.

Europa nuk na fut në Europë se jemi popull i keq, këtë po i infektojmë vetes. Ne kemi qenë për Evropë para një mijë vjetëve. Ne nuk po futemi në Evropë për shkak të një politike të keqe prej 30 vitesh. Evropa është diplomaci e madhe dhe kemi disa kushte të mëdha”, ka thënë Zenelaj.