LIGJET E BIZNESIT
Temë kryesore e replikave në Kuvend seancën e sotme është bërë paralajmërimi i krizës së energjisë elektrike.
Zv.kryeministri Arben Ahmetaj ka deklaruar gjatë fjalës së tij se energjia elektrike ka prekur disa shtete, ndërkohë që në Shqipëri nuk është rritur çmimi i energjisë.
Ahmetaj ka paralajmëruar se pas dy ditësh, qeveria shqiptare do të prezantojë një plan që sipas tij synon të mbrojë shtresat në nevojë, sipërmarrjen e vogël dhe në të njëjtën kohë të sigurojë furnizimin e pandërprerë të energjisë.
“Deri në fund të vitit do vijnë 3 mln vaksina. Nuk jemi zoti të ndalojmë tërmetin por përgjigjen e kemi në dorë. Mund të flasësh për varfërinë me tone të larta. Shkojnë tek ata që ju pretendoni që ju i shani si oligarkë. Inputet bujqësore, hoqëm TVSH-në. I thonë shqiptarëve që shikoni se ju jeni varfëruar. Ndërkohë modestisht dua të përmend që kursimet e vogla janë rritur. Rriten kredia për herë të parë. Filloi kredia deri në 7 %.
Nuk dua t’i referohemi statistikave, por dua të japë një shifër. Banka Botërore e konsideron Shqipërinë me rritjen më të madhe në rajon. Sot kemi rimarrë të gjitha vendet e punës që humbën. Humbi gjithë Europa vendet e punës, por ne i rikthyem. 50 mijë vende pune u shpëtuan nga ndihma e dhënë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nuk duhet të tallemi me shqiptarët. Një plan serioz mendohet. Energjia ka prekur gjithë botën, Britaninë, Italinë e Spanjën. Çfarë po ndodh këtu. Duroni 48 orë se do vijmë me një plan. Nuk është rozë situata, jemi larg por udhëtuam nëpërmjet greminës duke luftuar tërmetin dhe pandemisë.
Mbrojtja nga çmimet globale i ka amortizatorët më të dobët. I mban çmimet të subvencionuara. Do marrim masa rregullatore që do sigurojmë mbrojtjen e shtresave në nevojë, sipërmarrjes së vogël dhe në të njëjtën kohë të garantojmë furnizim të pandërprerë me energji elektrike. Kur diskutojmë, duhet të sjellim disa statistika që janë përtej nesh. Banka Botërore nxori një statistikë të rëndësishme, nga 34% në disa vite më parë, në 29%. Varfëria nuk ulet duke dalë e duke folur me intonacion populist” – tha Ahmetaj.
