Stilisti i njohur francez Olivier Rousteing ka publikuar një foto të tij, tek shfaqet i fashuar nga koka te këmbët, pasi incidentit të rëndë që pësoi para një viti në shtëpinë e tij, kur i shpërtheu oxhaku.
Rousteing, drejtori krijues i shtëpisë së modës “Balmain”, e publikoi këtë foto në Instagram përkrah të cilës shkruante: “Pikërisht një vit më parë, oxhaku brenda shtëpisë sime shpërtheu”.
Ai u zgjua një ditë më vonë në spitalin “Saint Louis” të Parisit, dhe që prej asaj dite është ende duke u rikuperuar nga plagët e marra.
Olivier Rousteing e mori detyrën si drejtor i “Balmain” në vitin 2011 kur ishte vetëm 25 vjeç. “Out Magazine” shkruan se marka u rrit 15%-20% midis 2012 dhe 2015. Ai ka hapur shumë dyqane mode në Londër dhe Nju Jork, të cilët janë të parët e kompanisë jashtë Parisit.
