Njihuni me “Herkulin” shqiptar, ngre makina në ajër dhe çan fruta me musk

Flori Qerkezi është një i ri shqiptar i cili ka “çmendur” të gjithë britanikët me forcën e tij. Flori, i cili prej kohësh jeton në Britaninë e Madhe është cilësuar si “Herkuli shqiptar”. Midis  gjërave të pabesueshme që mund të bëjë, ai mund të ngrejë një makinë si dhe të çajë fruta me muskuj.

Në një lidhje me Skype për Abc, ai rrëfeu për gazetarët se si arrin t’i bëjë këto gjëra. Midis të tjerash, ai theksoi se dëshira e tij është që të marrë pjesë në ndonjë aktivitet sportiv.

“Gjithmonë e kam pasur dëshirë me bërë aktivitet fizik por këto 5 vite i kam kushtuar më shumë rëndësi palestrës. Kam ushtruar shumë por dhe kam qejf me e sfiduar pak trupin deri ku mundem të arrij”, u shpreh ai.