“Një sagë mashtrimesh” Grida Duma nxjerr në Kuvend videot e Ramës: Faturë e rëndë për shqiptarët

Partia Socialiste refuzoi sot ngritjen e Komisionit Hetimor të kërkuar nga PD për çështjen “Becchetti”.

Ky gjest u shoqërua dhe nga akuza të tjera të opozitës për kryeministrin Edi Rama.

Ndërkohë deputetja, njëkohësisht nën-kryetare e PD Grida Duma, në fjalën e saj gjatë seancës parlamentare, publikoi disa video të intervistave të kreut të qeverisë, teksa e akuzoi se ishte pikërisht ndërhyrja e tij që sot shqiptarët duhet të paguajnë 120 milionë euro. Ajo tha se në Bruksel po sekuestrohen pronat e Shqipërisë, të cilat kanë vlera monetare të larta.

“Është habi e madhe sesi vini këtu dhe na kërcënoni me për vjedhjet që bëni ju. Çështja është që 120 milionë do paguhen nga Shqipëria. Për këtë çështje kemi kërkuar Komision Hetimor. Ju kërkoni që mos të ndërhyjmë ne që të mos dalë konfidencialiteti se jua kërkon Avokatura e Shtetit. Por ndërhyrja juaj u ka shkaktuar shqiptarëve 120 milionë euro dëm.

Fshiheni pas asaj se si e kemi gjetur ne vendimin. Kemi këtë dëm 120 milionë euro. Për ta kuptuar se si keni ndërhyrë ju, vlen ta shikoni këtë që thotë kryeministri. Është një sagë mashtrimesh për hakmarrje politike që ka një faturë shumë të rëndë. Çështja “Becchetti”, Italia përgënjeshton kryeministrin se nuk ka bashkëpunuar për këtë çështje. Në Bruksel sot po sekuestrohen pronat e Shqipërisë, që kanë vlera monetare me dëme”, u shpreh Duma.