LIGJET E BIZNESIT
Ngjarja e rëndë ku 4 turistë rusë humbën jetën në një hotel luksoz në Qerret të Kavajës, vijon të jetë ende e mbushur me mister.
Ndërkohë avokati i njohur Idajet Beqiri ka deklaruar se hetimet po zvarriten dhe se kjo gjë mund të sjellë pasoja.
I ftuar në programin “Breaking”, ai tha se kur rezultatet të dalin jo të sakta, kjo do të rrisë dyshimet për mënyrën se si ka ndodhur e vërteta.
“Problemi është kompleks, e jemi shumë të ngadaltë me hetimet, fillojnë presionet e goditjet, mbi deklarimet e pastaj, kur ato dalin jo të sakta e jo të plota e madje fiasko, kjo rrit edhe dyshimet se si ka ndodhur e vërteta. Nga ana tjetër edhe kur kemi të bëjmë me shtetas të huaj, nuk mund të veprojnë sikur vepron shteti shqiptar kur ndodhin shqiptarëve rastet e keqtrajtimeve në vende të huaja. Çdo shtet serioz i shkon deri në fund çështjes. Këta e kanë futur hetimin në akte të pritjes së ekspertimeve që vijnë”, tha Beqiri.
Ai shtoi se hetimit të ngjarjes së katër shtetasve rusë duhet t’i jepet përparësi, pasi deri tani është vërejtur mungesa e llogarisë ligjore.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Ngjarja dyshohet edhe për hakmarrje, pasi një nga viktimat ishte një ish-ushtarak. Nuk falet zvarritja e hetimit. Koha. Vetëm analizat laboratorike, do na japin një përgjigje tepër ekzakte dhe të plotë, nuk duhet të ketë zvarritje”, theksoi Beqiri.
Kujtojmë se bashkëshortët rusë Natalia Burenkova, 58 vjeçe, Sergei Burenkov, 60 vjeç, vajza e tyre Ekaterina Burenkova, 31 vjeçe dhe burri i saj, Nikita Belousov, 37 vjeç mbërritën të dielën e kaluar në vendin tone dhe kanë vizituar disa pika turistike. Prenotimin në hotelin e Qerretit e bënë më herët, kurse akomodimi ditën e ngjarjes. Ambasada ruse ndërkohë pas tërheqje së 4 trupave të pajetë ka deklaruar se do të kryejë vetë hetime me ekspertizat laboratorike.
