Nesër ndryshon ora, akrepat do kthehen 60 minuta pas

Këtë mbrëmje, pas mesnate duke u nisur dita e diel do të ndryshojë ora.

Në orën 03.00 të natës, ndryshon ora e për rrjedhojë akrepat duhet të kthehen 60 minuta pas, në orën 02.00. Në këtë mënyrë rikuperojmë edhe orën që “humbëm” në fund të marsit duke vijëzuar orët me lëvizjen e diellit.

Do të flemë një orë më shumë në mëngjes, mirëpo do të humbasim një orë dritë natyrale në mbrëmje.

Zakoni i ndryshimit të orës u shpërnda në Europë që në vitin 1974, kur vendet e botës donin të kursenin energjinë elektrike duke shfrytëzuar kështu diellin. Ora ndërrohet dy herë në vit, njëherë në muajin tetor dhe më pas në muajin mars.