“Ndodhemi në një situatë të tmerrshme” Vuçiç ngre alarmin për krizën energjetike

Presidenti serb Aleksandar Vuçiç ka komentuar krizën aktuale të energjisë.

Ai është shprehur për mediat vendase se situata nuk është aspak e mirë.

Vuçiç deklaroi se ende nuk e di se si do e përballojë këtë gjendje.

“Unë nuk fle natën, nuk do të zgjidhim asgjë lehtë, do të kemi probleme me çmimin e të gjitha burimeve të energjisë”, tha Vuçiç
Ai theksoi se po bëjnë më shumë përpjekje në këtë fushë se shumë vende të tjera.

“Ata që janë në një situatë dhjetë herë më të keqe se ne nuk shqetësohen. Ne po luftojmë më shumë se ata, prandaj jemi kaq të suksesshëm”, tregoi më tej presidenti serb.

“Kemi një situatë të tmerrshme energjetike”, theksoi presidenti i Serbisë dhe shtoi se çmimi i energjisë elektrike në bursë është 229 euro për megavat.