Shkolla “Selam Musai” në Babicë prej shumë muajsh ndodhet në rikonstruksion. Në mungesë të shkollës, fëmijët janë ndarë, ata të 9-vjecares shkojnë në shkollat e qytetit ndërsa fëmijët e klasës së parë dhe të dytë mësimin e zhvillojnë në një bar kafe.
Një situatë e tillë u pranua edhe nga mësuesit, të cilët u shprehën se kjo ishte e vetmja zgjidhje që mundën të gjenin në bashkëpunim me prindërit e nxënësve.
“Duke u ndihmuar edhe nga prindërit gjetëm këtë zgjidhje. Unë kam klasë të parë, mësuesja ka klasën e dytë. Tani cfarë të bëjmë nuk gjetëm zgjidhje tjetër. U ndanë në dy shkolla, fëmijët nuk mund t’i conim t’i transportonim. Kështu që ky ështëshqetësimi, edhe i joni pra i mësuesve edhe i prindërve. Klasat e tjera janë mbasdite tek shkolla. Këtë zgjidhje na mundësoi drejtoresha”- shprehën mësuesit.
Në një komunikim me drejtoren e Zyrës Arsimore në Vlorë, Alma Bakiu, kjo e fundit e mohon që fëmijët bëjnë mësim në bar kafe.
