Ndodh edhe kjo/ Kandidati për kryetar komune në Kosovë shkon me Ferrari për të votuar

Kandidati i Nisma-s për kryetar të Podujevës, Xhemajl Hasani ka shkuar me makinë Ferrari për të votuar. Ai është parë të hyjë në oborrin e shkollës ku kishte për të votuar me automjetin super luksoz.

Sikurse raportohet, “bishën” e kuqe ai e ka marrë nga këngëtari i njohur Fero me të cilin ka marrëdhënie shumë të mira.

Hasani ka deklaruar para mediave se është person modest, por kur është pyetur se ku e ka lënë makinën, është shprehur se nuk mund të tregojë. Ai ka inkurajuar qytetarët që të dalin dhe të votojnë.

“Inkurajoj të gjithë qytetarët me të drejtë vote që të dalin ta shfrytëzojnë të drejtën e tyre, të votojnë për të preferuarit e tyre”, ka thënë ai.