LIGJET E BIZNESIT
Kryeredaktori i BIRN, Besar Likmetaj tha se pas publikimit të dokumenteve se kompania boshnjake ‘Energoinvest’ që ndërtoi linjën e re të energjisë elektrike midis Shqipërisë dhe Kosovës, i ka paguar 3.6 milion euro një kompanie të vogël konsulence në Emiratet e Bashkuara Arabe, ka marrë një telefonatë nga kreu i Strukturës së Posaçme kundër Korrupsionit dhe Krimit të Organizuar, Arben Kraja.
I ftuar në emisionin “Open”, Likmeta tha se i ka dhënë kontaktet e organizatës por asnjë dokument, kreut të SPAK.
Likmeta: Kam pasur një telefonatë me Arben Krajën. I kam dhënë kontaktet e organizatës. Nuk është e natyrës e gazetarit që të ndajë dokumente me institucione. Zbatimi i ligjit është detyrë e prokurorisë kur ka publikim të të dhënave kur ka dyshime. Është për tu parë se cfarë do të prodhojë organi i akuzës. Dhe për të dhënat që kemi publikuar, besoj se ka indicie për të nisur hetimet. Për gazetarët kërkohet dhe punë ekstra, edhe në rastin e dyshimeve. Nuk mjafton thjesht ta marrësh një dokument dhe ta bësh publik.
Sipas dokumenteve të siguruar nga Birn, kompania e konsulencës AL Energy Transmission LTD e themeluar në vitin 2013, si administrator është biznesmeni shqiptar Vasil Kallupi.
