Milot-Mamurras/ Makina përplaset me barrierën, plagoset 27-vjeçarja

Një 27-vjeçare është plagosur mbrëmjen e sotme pasi pësoi aksident në aksin Milot-Mamurras.

Aksidenti ndodhi rreth orës 20:20, ku automjeti tip “Volkswagen” me drejtuese shtetasen K.P., 27 vjeçe, banuese në Milot, ka humbur kontrollin e mjetit duke dalë nga rruga dhe përplasur me barrierën anësore.

Drejtuesja e mjetit është transportuar në spitalin e Traumës, Tiranë, paraprakisht jashtë rrezikut për jetën.

Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.