Mësimi në lokale dasmash, Kushi: Ishte montazh! Koçi ka një urdhër për Zhupën

Komisioni i Edukimit u përfshi nga debate sot, teksa po raportonte ministrja e Arsimit Evis Kushi. Shkak u bë një lajm në media para pak ditësh, ku fëmijët në shkollën e Babicës në Vlorë e zhvillonin mësimin në një lokal dasmash.

Ministrja tha se fotoja është montazh duke sjellë reagimin e demokrates Ina Zhupa. Në debat u përfshi edhe drejtuesi i komisionit Petro Koçi, i cili i kërkoi deputetes së PD-së që të pushonte.

Debati në komision për mësimin në Babicë të Vlorë

Evis Kushi: Për një shkollë më thonë, ajo fotoja në fshatin Babicë është montazh, duhet at verifikoj, nuk mund të marr të mirëqenie. Ne kemi videon qe mësimi po bëhet normal në Vlorë. Unë do të ngre grupin e punës ta çoj në vend.

Petro Koçi: Hë se nuk do ta bëjmë muhabet lagje këtu. Bëhet pyetja përgjigjet ministrja. Nuk do të tallemi këtu që t’i të flasësh tërë ditën, more vesh, mora thuaj. Nuk do të bëjmë muhabet pazari. Mos ndërhyj më pa rregull këtu. Pikë. Respekto rregullin dhe këtë komision.

Ina Zhupa: Unë nuk intimidohem. Është fakt, nuk mund të mohojmë faktet.

Petro Koçi: Lëri moj faktet ti, ku i gjete faktet.