Makina përmbyset në anë të rrugës, humb jetën shqiptari në Itali

Një 60-vjeçar shqiptar ka gjetur vdekjen si pasojë e një aksidenti të rëndë në Itali. Ngjarja e rëndë u shënua dje në zonën e Castellaneta në Itali.

Mësohet se 60-vjeçari po udhëtonte me një makinë tip Nissan, ku humbi kontrollin e për pasojë makina u përmbys. Si pasojë e plagëve të shumta, shqiptari humbi jetën në vendngjarje.

Shkaqet e aksidentit rrugor po shqyrtohen nga agjentët e policisë, supozohet se shoferi ishte sëmurë ose mund të ketë humbur vëmendjen në timon.