Kryetari i PD Lulzim Basha ka mbajtur sot një qendrim kritik ndaj paralajmërimit të kryeministrit Edi Rama se Shqipëria do të përfshihet nga një krizë energjitike.
Në konferencën me gazetarët, teksa po fliste për protestën që u organizua nga shoqëria civile pranë kryeministrisë kundër rritjes së çmimit të energjisë, Basha bëri një lapsus.
Lideri demokrat i ngatërroi emrin aktorit Florian Binaj, i cili ishte i pranishëm, duke e quajtur Flamur.
“Ky ishte apo jo, nuk ishte ai tjetri që doli në protestë, si e ka emrin ai aktori Binaj, Flamur Binaj? Flor Binaj, Flori nuk ishte Flori”, tha Basha.
Kujtojmë që Flor Binaj imiton kryeministrin Edi Rama në spektaklin e humorit “Portokalli’.
