Kurbin/Nëna e 10 fëmijëve vr au me sqepar burrin, ja dënimi që rrezikon

Drane Deda, një nënë 59-vjeçare nga Sanxhaku i Kurbinit, rrezikon të vuajë dënimin nga 20 vjet deri në burgim të përjetshëm pasi një vit më parë ka vrarë me armë të ftohtë sqepar bashkëshortin e saj, shtetasin Llesh Deda.

Tanimë nëna e 10 fëmijëve është marrë e pandehur nga Gjykata dhe do të dalë në gjyq për t’u njohur me vendimin ndaj saj. Ajo akuzohet për veprën penale “Vrasja për shkak të marrëdhënieve familjare”.

Referuar Nenit 79-C të Kodit Penal, vrasja me dashje e personit që është bashkëshort, ish-bashkëshort, bashkëjetues apo ish-bashkëjetues, gjini e afërt ose krushqi e afërt me autorin e veprës penale, dënohet me burgim jo më pak se njëzet vjet ose me burgim të përjetshëm.

Ngjarja makabre ndodhi mëngjesin e 6 nëntorit të vitit 2020 në Sanxhak. Për shkak të konflikteve në familje, 59-vjeçarja qëlloi me sqepar bashkëshortin Llesh Deda, i cili mori plagë të rënda në kokë. Ai u dërgua në Spitalin e Traumës ku ndërroi jetë një ditë më vonë.