Kryeministri Rama, mbledh sot kryebashkiakët socialistë 

Kryeministri Edi Rama do të zhvillojë ditën e sotme një takim me kryetarët e bashkive të vendit. Bëhet me dije se takimi do të mbahet në orën 12:00.

Ende nuk dihet se kush do të jetë fokusi i diskutimeve. Ndërkaq, ky takim vjen pas atij të muajit korrik, ku u përjashtua Fatos Tushe, pas arrestimit të bërë nga SPAK.

Asokohe, kryeministri i paralajmëroi kryebashkiakët se nuk do të mbrojë asnjë prej tyre nëse kapen me shkelje dhe abuzime me postin e tyre.