LIGJET E BIZNESIT
Policia Rrugore e Tiranës ka vijuar me kontrolle të imtësishme në akset që lidh kryeqytetin me Durrësin dhe Elbasanin. Monitorimi është kryer me makinën inteligjente, e cila u vu në funksion pak ditë më parë.
Sipas “Rrugores” gjatë ditës së hënë deri në orën 22:30 të mbrëmjes kjo pajisje ka konstatuar 447 shkelje për shpejtësi.
“Njësia Operacionale e Drejtorisë së Policisë Rrugore vijon monitorimin e qarkullimit në rrugët e kryeqytetit dhe në rrugët interurbane Tiranë – Durrës – Tiranë dhe Tiranë – Elbasan – Tiranë, me makinën inteligjente.
Makina inteligjente ka filluar funksionimin për monitorimin e qarkullimit rrugor, duke evidentuar dhe ndëshkuar ata drejtues mjetesh që qarkullojnë me shpejtësi mbi normat e lejuara, pa vendosur rripin e sigurimit, që kryejnë parakalime të gabuara apo përdorin celularin gjatë drejtimit të mjetit.
Prej mëngjesit e deri në orën 22:30 të mbrëmjes, në rrugët e kryeqytetit dhe në rrugët interurbane Tiranë – Durrës – Tiranë , me intervale kohore të shkurtra në shumë pika dhe njolla të zeza ku kanë ndodhur më parë aksidente rrugore, makina inteligjente ka konstatuar 447 shkelje për shpejtësi,” thuhet në njoftimin e policisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
