Aplikimet për Lotarinë Amerikane në vendin tonë kanë nisur që me 5 tetor dhe do të qendrojnë hapur deri më 10 nëntor.
Por jo të gjithë e dinë mënyrën e duhur për të ndjekur hapat në regjistrim.
Jo rrallë herë ndodh që qytetarë të ndryshëm të ofrojnë si shërbim hedhjen e lotarisë amerikane kundrejt pagesës.
Kjo ka bërë që Ambasada Amerikane në Shqipëri t’i kujtojë qytetarët që për të aplikuar për Vizën e Diversitetit nuk nevojitet asnjë lloj pagese.
“Po regjistroheni për Lotarinë Amerikane? Ju duhet të përgatisni dhe të dërgoni aplikimin tuaj. Kini kujdes nga ata që duan t’ju ndihmojnë për para,” shkruhet në postimin e ambasadës.
