Gjykata e Posaçme i ka komunikuar masën e sigurisë “arrest në burg” avokatit të njohur Lavdosh Shehu. Ai akuzohet për ushtrim ndikimi të paligjshëm ndaj personave që ushtrojnë funksione publike. Shehu kishte kërkuar 12 mijë euro nga familja e Fatos Hysenit në mënyrë që të mundësonte sjelljen e tij në Shqipëri për të vuajtur dënimin në vendin tonë.
Hyseni është i dënuar në Itali dhe ndodhet në burg në vendin fqinj. Që në vitin 2020 avokati i kishte marrë familjes së Hysenit 5 mijë euro dhe të tjerat do t’i merrte kur të përfundonte procesi.
Nëna e Hysenit si fillim ka kërkuar që çështjen ta ndiqte nëpërmjet një emisioni investigativ dhe më pas i është drejtuar SPAK-ut me kallëzim.
