Në mesin e emrave të ftuar dhe të përfolur për aventurën 100-ditore në “Big Brother VIP” ka qenë edhe këngëtarja e njohur Mihrije Braha.
“Prive” mëson se produksioni ka insistuar shumë që artistja të bëhet pjesë e këtij formati, por ajo e ka refuzuar ftesën shumë herë. Shkak janë bërë angazhimet profesionale të këngëtares, të cilat nuk e kanë lejuar që të garojë për shumën e madhe 100 mijë euro.
Një tjetër emër i cili përflitet se do të jetë pjesë e “Big brother VIP” është edhe Beatrix Ramosaj. Këngëtarja nuk mundi që të nisë rrugëtimin e saj më herët për shkak të infektimit me koronavirus.
