“Ka pasur një incident në 2008 dhe është larguar nga Policia e Shtetit” Klodiana Lala zbardh karrierën e Gledis Nanos

Gledis Nano është zgjedhur drejtori i ri i Policisë së Shtetit.

Ndërkohë gazetarja Klodiana Lala ka komentuar këtë vendim, duke thënë se ai ka mbështetje të faktorit ndërkombëtar, konkretisht të amerikanëvve.

“Karrierën e tij e ka shënjuar një hetim për grupin e xhihadistëve. Është hetim kompleks, suportuar nga amerikanët. Prokurore ka qenë Elisabeta Imeraj. Zoti Nano ka patur karrierë graduale. Ka patur një incident në 2008, është larguar nga Policia e Shtetit.  Karriera u shenjua kur hetoi ata që konsideroheshin si xhihadistët. Mori suportin e amerikanëve. Ka patur disa raste, që amerikanët i kanë vlerësuar si të suksesshme.

Zoti Nano ka një sfidë shumë të vështirë. Duhet të zhbëjë shumë gjëra që janë bërë keq nga paraardhësit. Duhet të mos i nënshtrohet politikës. Nëse i nënshtrohet, betejën e ka të humbur. Nëse i reziston politikës, ka dhe mbështetjen e amerikanëve, mund t’ja dalë mbarë“, tha Lala.