“Ja çfarë pritet nga Gledis Nano” Ervin Karamuço paralajmëron “tërmet” në Policinë e Shtetit

Profesori i kriminologjisë Ervin Karamuço është shprehur se rezultatet e drejtorit të ri të Policisë së Shtetit do të shihen në fillim të dhjetorit.

Sipas tij, Gledis Nano është një person shumë i përgatitur dhe pritshmëritë për punën e tij janë të larta.

Karamuço u shpreh se Nano është në “syrin e ciklonit”, ndërsa paralajmëroi ndryshime të forta në polici.

“Aktualisht kemi një profil shumë të lartë, pasi kemi të bëjmë me një njeri shumë të përgatitur. Presim shumë prej tij, por ai (Gledis Nano) është në syrin e një cikloni. Në ditët në vijim do kemi ndryshime strukturore në policinë. Ka ardhur koha që disa të largohen, për t’i hapur rrugë personazheve të reja. Unë besoj se në fillim të dhjetorit”, tha Karamuço në Top News.

Sipas profesorit, “afati 100 ditë” i Ramës për policinë bie, pasi ai ishte një paralajmërim për Ardi Veliun.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Sa i përket 100-ditëshit që vendosi Edi Rama për policinë, unë mendoj se ishte 100-ditëshi i drejtorit që iku, jo i atij që erdhi. Ne patëm një verë me ngjarje të rënda kriminale dhe Ardi Veliu nuk i rezistoi dot 100-ditëshit”, deklaroi profesori.