LIGJET E BIZNESIT
Rëndohet bilanci i viktimave në atentatin e ndodhur mbrëmjen e kaluar në Elbasan. Pas Lulzim Bitrit i cili mbeti i vdekur në vendngjarje, ka ndërruar jetë dhe Ardian Subashi Çollaku.
Fillimisht, ky i fundit u dërgua në gjendje të rënduar shëndetësore, por me shenja jete në spitalin e Elbasanit dhe nga aty, u nis për mjekim më të specializuar në Spitalin e Traumës në kryeqytet.
E pikërisht, në këtë vend ka ndërruar jetë. Përmendim që Bitri dhe Çollaku, u ekzekutuan me të paktën 15 plumba në afërsi të një karburanti në hyrje të qytetit të Elbasanit.
Jo shumë metra larg nga vendi i krimit, në zonën e Metalurgjikut, policia gjeti një makinë tip “Volvo” duke u djegur, e cila besohet se i përket autorëve.
Ndërkaq, uniformat blu kanë sekuestruar kamerat e sigurisë në të gjithë perimetrin ku mendohet se kanë kaluar autorët, me qëllim identifikimin dhe kapjen e tyre.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Po kush është Ardian Çollaku?
Ardian Subashi (Çollaku) në datën 26 maj të vitit 2015 u arrestua nga efektivët e policisë, në qendër të qytetit të Elbasanit.
Një ditë para arrestimit ai ishte shpallur në kërkim ndërkombëtar nga Interpol Tirana, pasi Gjykata e Modenas, e kishte dënuar me 23 vjet e 3 muaj e 17 ditë burgim për veprat penale të “Shfrytëzimit të prostitucionit” dhe “Prodhimit dhe mbajtjes pa leje e armëve luftarake dhe e municionit” parashikuar nga nenet 110 dhe 600 të Kodit Penal Italian. Ndërkohë Subashi ka qenë edhe subjekt i OFL ku vitin e kaluar së bashku me 3 persona të tjerë u është kërkuar deklarimi i pasurisë.
