Greqia goditet nga moti i keq, shpallet gjendja e jashtëzakonshme në ishullin e famshëm

Përmbytje të mëdha në Greqi janë shkaktuar si pasojë e reshjeve të dëndura dhe erave të forta.

Për shkak të motit të keq, ishulli i Korfuzit ka shpallur gjendjen e jashtëzakonshme.

Ministri i Mbrojtjes Civile, Christos Stylianidis njoftoi se është nisur për në Moraitika për t’i ardhur në ndihmë qytetarëve të bllokuar për shkak të përmbytjeve të mëdha.

Ndërsa në të gjitha pikat rrugore të konsideruara si të “rrezikshme” janë marra masa emergjente nga Policia Rrugore.

Mbrojtja Civile iu rekomandon drejtuesve të mjeteve që të ndjekin udhëzimet e policisë dhe të shmangin zonat problematike, shkruajnë mediat greke.