Greqi “zgjohet” nga lëkundje, tërmet 6.4 ballë  

Greqia është goditur nga një tërmet i fortë me magnitudë 6.4 ballë të shkallës rihter.

Mediat në Greqi por edhe Instituti Gjeodinamik raporton se tërmeti i fortë ka rënë në juglindje të ishullit Karpathos.

Sipas Institutit Gjeodinamik, tërmeti kishte epiqendrën 155 km në juglindje të Karpathos dhe thellësia fokale ndodhet në 60 kilometra.

Lëkundjet kanë qenë tepër të forta dhe qytetarët të frikësuar kanë dalë në rrugë. Nuk dihet ende nëse ka të lënduar apo edhe dëme materiale.