Gramsh/ 35-vjeçari godet me sopatë të riun 

Një i ri ka mbetur i plagosur një ditë më parë gjatë një konflikti për motive të dobëta. Ngjarja u shënua në fshatin Vinë të Gramshit. Burime nga policia njoftojnë se shtetasi me inicialet G. T., 35 vjeç, plagosi me mjet prerës (sopatë), 27-vjeçarin me inicialet T.B., i cili ndodhet nën kujdesin e mjekëve.

Shërbimet e Policisë, falë vlerësimit në kohë të informacionit, u nisën menjëherë për në vendin e ngjarjes, ku edhe bënë të mundur kapjen dhe shoqërimin në Komisariat të autorit të dyshuar të ngjarjes.

Në përfundim të veprimeve, shtetasi me iniciale G.T., banues në fshatin Kishtë, Gramsh, u arrestua në flagrancë për veprën penale “Plagosja e rëndë me dashje”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern