Gjest domethënës/ Kriza e karburanteve, emigrantët shqiptarë në Angli ofrohen të punojnë falas

Mijëra emigrantë shqiptarë në Britaninë e Madhe janë vetëofruar që të punojnë falas për të ndihmuar në krizën e karburanteve.

Në lidhje me këtë temë ka folur ambasadori i Shqipërisë atje, Qirjako Qirko.

Ai ka deklaruar për median prestigjioze  “The Guardian”: “Nëse qeveria juaj do të donte, ne mund të ofrojmë shoferë të mirë të besueshëm, ndoshta 5,000 menjëherë.”

Qirko u shpreh se shumë prej 150,000 shqiptarëve që jetojnë në Mbretërinë e Bashkuar do të punonin nga mirënjohja për miqtë e tyre britanikë. Meqenëse një numër i konsiderueshëm besohet të jenë pa dokumenta, ende nuk dihet se sa janë shoferët e kualifikuar të HGV.

“Shqiptarët janë gati të punojnë që qeveria britanike të kapërcejë këtë problem pa pagesë. Nuk e di nëse ata kanë licencat e duhura, por nëse i kanë patur, jam i sigurt që të gjithë këtu do të thonë ‘Unë mund të ndihmoj’. Shqiptarët në Mbretërinë e Bashkuar do të punonin falas për këtë vend për shkak të asaj që ky vend ka bërë për ta… Ne i jemi mirënjohës përgjithmonë qeverisë dhe ushtrise se këtij vendi, për atë që bënë për vëllezërit tanë në Kosovë.

Ai u bëri thirrje britanikëve që t’i shohin shqiptarët si një pasuri dhe jo si një problem, duke u ankuar se ata shpesh portretizohen si anëtarë të bandës, shpërndarës droge dhe trafikantë njerëzish.