Foni lexon gjuhën e trupit të politikanëve shqiptarë: Mos e ngacmoni kryeministrin kur bën këtë veprim

Gazetari i njohur Ksenofon Alia ka folur për “gjuhën e trupit” dhe komunikimet që ne marrim prej saj.

Sipas tij, përsa i përket politikanëve shqiptarë, Edi Rama është më i lexueshëm, ndërsa pas tij vjen Presidenti i Republikës Ilir Meta, ndërsa kryedemokrati Basha është më “enigmatiku”. Sipas tij, kur Rama del me duar në xhepa, atëherë nuk mund dhe nuk duhet ta ngacmosh.

Ne arrijmë të kuptojmë edhe sëkëlldinë e politikanëve. Unë nuk merrem me ato sepse është konflikt interesi. Politikanët janë të lexueshëm. Më i lexueshmi është Edi Rama, edhe Meta është i lexueshëm kurse Basha jo, nuk është i lexueshëm. Me politikanët e huaj nuk jam marrë shumë, por ka nga ata që janë karizmatikë. Basha ka një tip si i plastifikuar, nuk jep shumë, Edi Rama është më i lexueshëm. Ne e kuptojmë ët gjithë kur Edi Rama është i mërzitur, kur e ka angari kur del aty për të folur që nga çasti kur ecën në rrugë. Kur njeriu ka duart në xhepa nuk do të flasë, lëre mos e ngacmo”, u shpreh gazetari.