Prej së dielës së kaluar, në ekranin e Televizionit Klan ka nisur produksioni i aktorit Ermal Mamaqit, H.O.T., pjesë e të cilit janë bërë edhe emra të njohur aktorësh shqiptarë.
Duke nisur që nga Kastriot Çaushi, Inis Gjoni, Jonida Vokshi, Anais Lika, Amos Zaharia, Irgen Çela dhe shumë të tjerë, e gjithë trupa e filmit me 10 seri premton që çdo ditë të diel do të sjellë pranë publikut shqiptar një realitet të ri, të pashfaqur me parë në produksione të tilla.
Të ftuar mbrëmjen e kaluar në “Zonë e lirë”, Ermali dhe aktorë të tjerë pjesë e filmit, zbuluan më shumë detaje nga seriali, copëza nga orët e gjata në xhirime, si edhe shumë prapaskena të tjera që kanë shoqëruar punën artistike të të gjithë aktorëve.
Por Ermali zbuloi sonte edhe pagesën e aktorëve të njohur në këtë serial. Sa janë paguar ata?
Producenti nguroi të zbulonte shifrën me të cilën ka paguar aktorët që u bënë pjesë e H.O.T, pas ngacmimit të Arian Çanit, por pastaj, pasi “mori” edhe konfirmimin e kolegëve të tij, vendosi që ta zbulonte: “Kanë marrë më shumë se 7 mijë euro…” – tha Ermali duke theksuar se paga nuk ka qenë e njëjtë për të gjithë edhe për shkak të hapësirës që ka pasur secili në film, por më pak se 7 mijë euro nuk është shpërblyer askush prej aktorëve të njohur.
