“Erdhën picat” Mbushnin Tiranën me kokainë, zbulohet grupi i rrezikshëm. Ja si kamufloheshin 2 të arrestuarit

Ditën e sotme dy persona kanë rënë në pranga në Tiranë.

Ata akuzohen për veprën penale të shpërndarjes së lëndëve narkotike.

Mësohet se të arrestuarit janë një 24-vjeçar dhe një 21-vjeçar me iniciale L.N dhe E.P.

Të dy kishin marrë një piceri në administrim dhe e përdornin si kamuflim për të shpërndarë lëndët narkotike.

Ndërkohë është proceduar penalisht dhe bashkëjetuesja e 24-vjeçarit, e reja me iniciale Xh.Ç, e cila kishte fshehur lëndën narkotike.

NJOFTIMI ZYRTAR I POLICISE

Specialistët e Seksionit për Hetimin e Narkotikëve bënë arrestimin në flagrancë të shtetasve L. N, 24 vjeç, E. P, 21 vjeç dhe u procedua penalisht shtetasja Xh. Ç, 23 vjeçe. Shtetasi L. N, kishte në administrim një piceri, të cilën e shfrytëzonte për fshehjen e lëndës narkotike, dhe pasi e ndante në doza e shiste më pas nëpërmjet shtetasit E. P, I cili e shpërndante lëndën narkotike duke u kamufluar si shpërndarës picash, ndërsa shtetasja Xh. Ç, (bashkëjetuesja e L.N) ka fshehur lëndën narkotike. Në cilësinë e provës materiale një sasi me lëndë narkotike kokainë, kanabis dhe një peshore elektronike.