LIGJET E BIZNESIT
Kombëtarja e Shqipërisë nis përgatitjet për ndeshjen ndaj Polonisë.
Trajneri Edi Reja nuk do të ketë të disponueshëm krahas Erion Hoxhallarit dhe Berat Gjimshitin, i cili ka pësuar një frakturë në dorë në takimin që Shqipëria pati me Hungarinë.
Në seancën e kësaj të diele, mungoi po ashtu dhe Bekim Balaj, i cili ka pasur probleme në kofshë dhe me shumë gjasa do jetë e vështirë të jetë i gatshëm edhe ndaj Polonisë. Tekniku Edi Reja e nisi seancën stërvitore me një fjalim që zgjati afërsisht 5 minuta, ndërsa më pas vendosi që futbollistët që ishin titullar ndaj Hungarisë të merrnin më shumë kohë për t’u rikuperuar, teksa pjesa tjetër u zhvendosën në njërën nga gjysmat e fushës së lojës për të zhvilluar planin stërvitor të stafit teknik.
Pjesë e grupit që vijoi përgatitjet ishte po ashtu dhe Armando Broja, i cili ndonëse ishte heroi i mbrëmjes në Puskas Arena, ishte pjesë e lojtarëve që u aktivizuan nga stoli.
Në kampin kuqezi nuk munguan as batutat e lojtarëve në drejtim të njëri-tjetrit, duke treguar kështu se atmosfera është tejet pozitive.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
