LIGJET E BIZNESIT
Dalin detaje të reja nga vrasja e biznesmenit Demir Backa në Fier.
Ngjarja e rëndë ndodhi mbrëmjen e së shtunës.
Dyshimet e policisë janë që autorët kanë qenë tre persona.
Ata ndodheshin në mjetin tip “Benz” që u gjet i djegur pas krimit dhe një njeri tjetër i priste dy autorët në zonën e Daullasit.
Ndërkohë mësohet se deri më tani janë mbi 15 persona të shoqëruar në Policia që janë marrë në pyetje lidhur me ngjarjen.
Teksa hetimet po vijojnë intensivisht, po zgjerohen pistat dhe dyshimet mbi këtë krim.
Burimet thanë se tani ekspertët i kanë hedhur sytë dhe po hetojnë mbi një konflikt të viteve të fundit që viktima ka pasur me një person me influencë në Fier.
