Ende nuk ka përfunduar puna e Prokurorisë së Kavajës me të dhënat e telefonave celularë që iu gjetën katër turistëve rusë, të cilët humbën jetën në mënyrë misterioze në një hotel luksoz në Qerret të Kavajës.
Mësohet se aparatët që viktimat përdornin janë të llojit Iphone.
Ekspertët e kanë patur të pamundur që ti hapin këta celularë për të përfituar të dhëna që do ti ndihmonin hetuesit se me cilët persona kanë komunikuar turistët përpara tragjedisë.
Për këtë, ato kanë kërkuar ndihmën e izralitëve ku paisjet pritet që të dërgohen në Izrael për ti hapur ato. Sipas grupit hetimor kjo kërkesë është bërë pasi sipas tyre zbardhja e bisedave apo telefanata që ata kanë kryer mund ta ndihmojë grupin hetimor për zbardhjen e ngjarjes.
Ndërkohë një enigmë tjetër e hetuesve ështe se turistëve i janë gjetur vetëm dy telefona, megjithëse ata ishin katër persona. Nuk dihet se cilëve nga familjarëve rusë i përkisnin telefonat dhe nuk dihet se cili nga viktimat kanë qenë pa telefon. Edhe pse hetuesit kanë kontrolluar për gjetjen e telefonave të tjerë, nuk kanë mundur të gjendet as në pishinën ku u gjenden biktimat dhe as në dhomat që ata kishin rezervuar në hotel. Hapja e tyre nga ekspertët izraelitë do zbardhë edhe këtë enigmë.
